21.12.2016 Одржан инфо ден за можностите кои ги нуди ИПАРД Програмата 2014-2020 за мерката Диверзификација на фармите и развој на бизниси
Секторот за управување со прет-пристапната помош на ЕУ за рурален развој (ИПАРД), во соработка со Мрежата за рурален развој на Република Македонија и Платежна Агенцијата, на 21 декември 2016 година во просториите на Министерството за земјоделство шумарство и водостопанство во Скопје, одржаа информативен ден за можностите кои ги нуди ИПАРД Програмата 2014-2020 за мерката “Диверзификација на фармите и развој на бизниси”.Во присуство на повеќе од 50 претставници од Мрежата за рурален развој на Република Македонија претставниците на Секторот за ИПАРД ги информираа учесниците за можностите кои ги нуди новата ИПАРД Програма , а претставниците од Платежната Агенцијата ги информираа за постапката и потребните документи за аплицирање по ИПАРД Програмата 2014-2020. Претставниците од ГАЛЕНИУС ФАРМ ДООЕЛ корисници на ИПАРД 2007-2013, ги информираа учесниците “Како до успешен ИПАРД Проект” односно како да дојдат до ИПАРД средства , како и целата постапка од поднесување на барање до исплата .
