Период: 01-31. јуни 2025 година
Несогласувањата помеѓу сегашната и претходната власт на тема колку и дали е успешна реализацијата на ИПАРД програмата, продолжија и во месец јуни. Повторно македонските медиуми објавувааа содржини од изјавите на претходниот и сегашниот министер за земјоделство.
Пратеникот Љупчо Николовски, министер за земјоделство, шумарство и водостопанство во претходната Влада, настапи со остра критика. Неговата изјава беше објавена од Прес 24 со наслов: „Лоши политики на Владата во земјоделието“.
- „За само 11 месеци гледаме дека земјоделието уназадува, земјоделците се оставени сами. Враќањето на стариот модел на субвенционирање, укинувањето на авансната исплата, на програмите за малите производители на храна, намалувањето и доцнењето на субвенциите за сточарите, доцнењето на зелената нафта, најмал раст на извозот, целосно враќање назад во ИПАРД 3 програмата, кажува колку се лоши политиките на власта во земјоделието“, истакна пратеникот на СДСМ Љупчо Николовски во „Тема на денот“ во вестите на Сител.
Николовски рече дека Владата ги занемари европските фондови, каде што бевме лидери, а тоа е ИПАРД програмата.
***Веста е достапна на следниов линк:
https://press24.mk/nikolovski-so-ostra-kritika-loshi-politiki-na-vladata-vo-zemjodelieto
- Како одговор на нападите, реагираше директорот на Платежната агенција, Илија Стоилев кој го повика Николовски јавно да признае дека катастрофата со ИПАРД 3 почнала уште во 2023 година кога тој бил министер и сакал да си вметне негова целна група, дополнително да аплицира. Оваа изјава на директорот Стоилев, беше комуницирана со јавноста во неговото гостување во подкастот „ВМРО-ДПМНЕ зборува“.
Веста ја споделија Плус инфо и Зелена Берза.
***Веста е достапна на следниве линкови:
- Негативниот наратив кој го обележа почетокот на месецот, значително се намали со изјавата на директорот на Агенцијата за финансиска поддршка во земјоделството и руралниот развој, Илија Стоилев кој најави дека до крајот на годината ќе бидат објавени два нови повици од ИПАРД 3 програмата. Нов повик за мерка 7 се очекува во септември, а до крајот на декемеври 2025 ќе се објави јавен повик за мерка 7. Оваа најава го смени фокусот кај јавноста, медиумите објавуваа содржини со корисни информации и ја потенцираа новата можност за користење на европските пари.
Веста беше објавена на страната Агротим:
- Месецот заврши со изјавата на министерот Трипуновски: „Нулта толеранција за злоупотреба на европски пари во земјоделството“. Веста ја објавија четири портали Плус инфо, Зелен Берза, Експрес.мк и Мактел.
***Веста е достапна на следниве линкови:
