ПРИЈАВУВАЊЕ НА НЕПРАВИЛНОСТИ ВО ВРСКА СО СПРОВЕДУВАЊЕТО НА ИПАРД ПРОГРАМАТА
Согласно Законот за ратификација на Рамковната спогодба за финансиско партнерство меѓу Европската Комисија и Северна Македонија за ИПА III (Службен весник на РСМ број 235/2022), Член 50 (Управување со неправилности), пропишана е обврската за пријавување на неправилности. Овој член експлицитно ја обврзува земјата корисничка (Македонија) да воспостави системи за спречување, откривање и ефикасно пријавување на сите неправилности, измами или сомнежи за корупција до Европската комисија (преку системот Irregularity Management System – IMS).
Неправилност значи секое прекршување на одредбите од важечките прописи и договори што произлегува од дејствие или пропуст на економски оператор или држава корисник на поддршката од ИПА III, што предизвикува или би предизвикало штета на општиот буџет на Унијата.
Секоја информација за можна неправилност, треба да се пријави на следната е-адреса: irregularity.ipard@mzsv.gov.mk
Оваа е-адреса ќе обезбеди лична заштита за секој што пријавува, без разлика дали е дел од структурата на ИПАРД или е надворешна заинтересирана страна.
Пријавата за неправилност треба да содржи колку што е можно попрецизни, детални податоци. Доколку лицето кое пријавува, располага со одредена документација, потребно е да ја достави во прилог.
Освен е-адресата на Министерството за земјоделство, шумарство и водостопанство, неправилност може да се пријави и на следните е-адреси:
Ø Министерство за финансии: nepravilnosti_EU@finance.gov.mk
Ø Европска канцеларија за борба против измами (OLAF): OLAF-FMB-SPE@ec.europa.eu
Ø Агенција за финасиска подршка во земјоделство и рурланиот развој: katerina.vasileva@ipardpa.gov.mk