ПРИЈАВУВАЊЕ НА НЕПРАВИЛНОСТИ ВО ВРСКА СО СПРОВЕДУВАЊЕТО НА ИПАРД ПРОГРАМАТА
Согласно Законот за ратификација на Рамковната спогодба за финансиско партнерство меѓу Европската комисија и Република Северна Македонија за ИПА III (Службен весник на РСМ број 235/2022), Наслов 4 (Надзор, контрола, ревизија и заштита на финансиските интереси на Унијата), Член 50 и 51, експлицитно ја дефинираат обврската на земјата корисничка (Северна Македонија) да воспостави систем за спречување, откривање и ефикасно пријавување на сите неправилности, измами или сомнежи за корупција,.
Неправилност е секое прекршување на одредбите од важечките прописи и договори што произлегува од дејствие или пропуст на економски оператор или држава корисник на поддршката од ИПА III, што предизвикува или би предизвикало штета на општиот буџет на Унијата.
Секоја информација за можна неправилност, треба да се пријави на следната е-адреса: irregularity.ipard@mzsv.gov.mk .
Оваа е-адреса ќе обезбеди лична заштита за секој што пријавува, без разлика дали е дел од структурата на ИПАРД или е надворешна заинтересирана страна.
Пријавата за неправилност треба да содржи колку што е можно попрецизни, детални податоци. Доколку лицето кое пријавува, располага со одредена документација, потребно е да ја достави во прилог.
Освен е-адресата на Министерството за земјоделство, шумарство и водостопанство, неправилностите можат да се пријават и на следниве е-адреси:
- Министерство за финансии: nepravilnosti_EU@finance.gov.mk
- Европска канцеларија за борба против измами (OLAF): OLAF-FMB-SPE@ec.europa.eu
- Агенција за финансиска поддршка во земјоделството и руралниот развој: katerina.vasileva@ipardpa.gov.mk