Период: 01.април -30. јуни 2026 година
Во текот на второто тромесечие, судскиот процес за злоупотреба на средства од ИПАРД програмата, доби прва судска пресуда. Процесот сеуште трае но, тоа не го попречува понатамошното реализирање на ИПАРД програмата во Македонија. Во текот на месец јуни беше откриен нов случај. Финансиската полиција поднесе кривични пријави за обид за злоупотреба на 50 милиони денари од ИПАРД програмата против пет физички и две правни лица. Оваа вест ја објави Управата за финансиска полиција, а ја споделија над 20 македонски медиуми.
Сепак, во текот на овие три месеци (април, мај и јуни), имавме позитивни вести за повторна достапност на средствата од ИПАРД програмата, беа потпишани 5 нови договори и се најави објавување на нови јавни повици во четвртиот квартал на 2026 година:
- На 28ми април пристигна официјално известување од Брисел дека средствата од ИПАРД програмата повторно се достапни на располагање за македонските земјоделци. Оваа вест ја соопшти министерот за земјоделство, шумарство и водостопанство Цветан Трипуновски и ги повика земјоделците и бизнис заедницата повторно да аплицираат за искористување на средствата од ИПАРД програмата.
Ова беше главната вест во текот на месец април. Повеќе од 34 македонски медиуми, ја објавија позитивната информација речиси со ист наслов „Средставата од ИПАРД програмата повторно се достапни“!
***Веста е достапна на следните линкови:
https://press24.mk/tripunovski-so-dobri-vesti-za-zemjodelcite-ipard-sredstvata-povtorno-se-dostapni/
https://nezavisen.mk/tripunovski-ipard-sredstvata-povtorno-dostapni-za-makedonskite-zemjodelci/
https://www.vecer.press/ipard-sredstvata-povtorno-stanuvaat-dostapni-za-makedonskite-zemjodelczi/
- Најавени се нови јавни повици во четвртиот квартал од 2026 година
На 6ти мај се одржа седмиот состанок на Комитетот за следење на ИПАРД 2021-2027. На состанокот, директорката на Агенцијата за финансика поддршка во земјоделството и руралниот развој, Даниела Иротова Лазарева најави нови јавни повици кои се очекуваат во 4-от квартал од 2026 година. Веста ја објави само порталот Агротим и достапна е на следниов линк:
- Продолжува реализацијата на ИПАРД 3, потпишани 5 нови договори
Веднаш по отстранување на блокадата од страна на Брисел, потпишани се 5 нови договори преку ИПАРД програмите. Директорката на Агенцијата за финансиска поддршка во земјоделството и руралниот развој, Даниела Иротова Лазарева, по 6 месечниот застој, ги потпиша петте договори во вкупна вредност од над 62 милиони денари.
Барателите кои имаа аплицирано на повикот 02/24 од 2024 година, а се однесува на Мерка 7, ќе треба во наредните 24 месеци комплетно да го реализираат проектот. За веќе реализираните проекти кои чекаа исплата, веќе се доставени налозите за плаќање до трезор. Веста беше објавена на страната на Платежната Агенција, а во медиумскиот простор беше споделена од порталите Агротим и Зелена берза.
***Веста е достапна на следните линкови:
- Домашни и италијански компании на заедничка конференција за зајакнување на агро-инвестициите преку ИПАРД 3
Во организација на Стопанска Комора, на 20ти мај се одржа работен настан посветен на можностите што ги нуди ИПАРД 3 програмата, на кој домашни и странски претставници од бизнис-секторот имаа можност да се запознаат со новите услови за финансирање и модернизација во земјоделско-прехранбената индустрија. Настанот собра голем број домашни претприемачи, а посебен интерес предизвика учеството на осум италијански компании, кои ги презентираа своите најнови решенија, од напредни технологии до современа опрема за преработка на месо.
Овие технологии, сега стануваат достапни и за македонските производствени компании и отвораат нови можности за инвестиции и искористување на средставата од ИПАРД 3 приграмата.
***Веста е достапна на следните линкови:
