Штип 31 јануари 2017 – Одржан информативен ден за Можностите кои ги нуди ИПАРД Програмата 2014-2020
Претставници на Министерството за земјоделство, шумарство и водостопанство (МЗШВ) на земјоделците од штипско-карбинкиот регион им ја презентираа ИПАРД 2 Програмата која нуди поголемо кофинансирање од 60% до максимум 70%. Втората новина е што се проширува опсегот на инвестиции, односно средства ќе може да се користат и во поледелството, и во инвестирање во обновливи извори на енергија.
– ИПАРД 2 бара од апликантите да ги исполнат условите наведени во нашето национално законодавство. Критериумите што се бараат мора да се докажат и со соодветна документација.
Покрај стандадизацијата и усогласувањето на македонското со ЕУ законодавтсвото, Владата формираше Гарантниот фонд кој може да го користат и преработувачките капацитети за градење дистрибутивни центри за овошје и зеленчук, млекарници, кланици, винарии, конзервната, месната и мелничката индустрија.Досегашниот бенефит од функционирањето на Фондот има неколку позитивни искуства, меѓу кои одобрените кредити за земјоделска механизација и за ИПАРД инвестиции ,изградба на краварска фарма, вреден 400.000 евра, во кој инвеститорот, обезбеди кредит од 200.000 евра, а преку Фондот му се гарантирани 50 отсто од хипотеката.
Земјоделецот Николче Колев кој денеска присуствуваше на презентацијата истакна дека фармерите имаат добри подготовки и голема помош од МЗШВ за да аплицираат за добивање средства, односно проекти од ИПАРД 2 Програмата.
