Телото за управување со ИПАРД ги информира сите земјоделци, физички и правни лица (микро и мали претпријатија) и задруги, заинтересирани да аплицираат за добивање на финансиска поддршка од мерката 7 “Диверзификација на фарми и развој на бизниси”, да присуствуваат на инфо настаните во Кочани и Берово во понеделник 26ти јули 2021 година. Инфо деновите се со цел подобра информираност на заинтересираните странки во врска мерката 7 од ИПАРД Програмата и поставување на прашања и добивање на одговори за сите странки кои се заинтересирани за аплицирање по оваа мерка.
Инфо настаните ќе се одржат во:
- 26ти јули 2021 година во Кочани, Мултикултурен центар-Кочани во 11.00 часот и
- 26ти јули 2021 година во Берово, Бизнис инкубатор-Берово во 14.00 часот
Јавниот повик 01/2021 за мерката 7 е објавен и во тек е доставувањето на Барањата за користење на средствата со цел, до 22 август 2021 година, сите заинтересирани странки да ги достават комплетно пополнетите Барања за користење на средства и целокупната документација до Агенцијата за финансиска поддршка во земјоделството и руралниот развој.
Со Јавниот повик, објавен на 8ми јули 2021 година, може да се поднесуваат Барања за користење на средства до Агенцијата за финансиска поддршка во земјоделството и руралниот развој, по следниве приоритетни сектори и тоа:
- Алтернативно земјоделско производство
- Производство на прехранбени производи и пијалоци и тоа за следните типови на инвестиции:
- Алкохолни производи од грозје или овошје и пиво;
- Колачи, тестенини и пекарски производи;
- Чај и билни екстракти;
- Зачини и билки;
- Слатководна риба, ракови и мекотели и
- Други производи кои не се наведени во Листа на производи од Анекс I на Договорот за функционирањето на ЕУ.
- Производство на не-прехранбени производи
- Занаетчиски дејности, кои се во согласно со Правилникот за определување на дејности кои можат да ги вршат занаетчиите
- Обезбедување на услуги во земјоделството
- Развој на услуги за руралното население
- Промоција на руралниот туризам
Висината на финансиската подршка изнесува 65% од вкупно прифатливите трошоци за инвестицијата, која е потребно да се движи во најмала вредност од 1.500 евра до најголема вредност на вкупно прифатливите трошоци за инвестицискиот проект од 1 милион евра. Земјиштето и/или објектите е потребно да бидат во сопственост на барателот или да постои Договор за закуп од најмалку 7 години. (целиот текст на Јавниот повик 01/2021 е дадена на веб сајтот на ИПАРД www.ipard.gov.mk
– За дополнителни информации и детали за предходната најава за ИПАРД 2014-2020, сите заинтересирани лица, може да добијат на веб страниците на Телото за управување со ИПАРД фондовите при Министерството за земјоделство, шумарство и водостопанство (www.ipard.gov.mk), Агенцијата за финансиска поддршка во земјоделството и руралниот развој www.ipardpa.gov.mk и Агенцијата за поттикнување на развојот на земјоделството www.agencija.gov.mk или на телефонските броеви на Секторот за управување со ИПАРД при МЗШВ на 02/3134-477 локал 113, 114 и 115 во АФПЗРР 02/3097-460 и АПРЗ 047/228-330 и 047/228-370.
