Секторот за управување со претпристапни фондови на ЕУ за рурален развој (ИПАРД) при Министерството за земјоделство, шумарство и водостопанство во соработка со Агенцијата за финансиска поддршка на земјоделството и руралниот развој со одржување на ИПАРД форумите на 26 март во Сојузот на стопански комори и 28 март во Стопанската комора на Македонија започна со информативната кампања во врска со измените на ИПАРД Програмата 2007-2013 насловена како „Нови измени во ИПАРД Програмата – подобри можности за користење на европските фондови“.
Целта на овие настани е подигнување на јавната свест и запознавање на заинтересираните страни и пошироката јавност за можностите со настанатите измени на ИПАРД Програмата 2007-2013.
